१२ फागुन, काठमाडौं । रुस र भियतनामका विदेशमन्त्रीबीच उच्चस्तरीय छलफल भएको छ । रुसी विदेशमन्त्री सर्गेई लाभरोभ र भियतनामी समकक्षी होइ चुङबीच मंगलबार मस्कोमा रणनीतिक साझेदारीलाई अझ गहिरो बनाउने विषयमा उच्चस्तरीय छलफल भएको हो ।
मैत्रीपूर्ण वातावरणमा सम्पन्न उक्त बैठकमा दुवै देशका प्रतिनिधिमण्डलले विभिन्न तहमा हुने आगामी सम्पर्क र मन्त्रालयगत सहकार्यलाई सुदृढ पार्ने उपायबारे छलफल भएको बताइएको छ ।
रुसी विदेशमन्त्री लाभरोभले रुसको एसिया–प्रशान्त वैदेशिक नीतिमा भियतनाम एक प्राथमिकताको साझेदार रहेको बताउँदै क्षेत्रीय र अन्तर्राष्ट्रिय एजेन्डाहरूमा साझा धारणा बनाउनुपर्ने बताए ।
ले होइ चुङ भियतनामको कम्युनिस्ट पार्टीका महासचिव तो लामको विशेष दूतका रूपमा रुस भ्रमणमा गएका हुन् । आफ्नो भ्रमणका क्रममा उनले रुसी राष्ट्रपति भ्लादिमिर पुटिन र त्यहाँका प्रमुख राजनीतिक दलका नेताहरूसँग पनि भेटघाट गरेका छन् । उनले भियतनामको कम्युनिस्ट पार्टीको १४ औँ राष्ट्रिय महाधिवेशनका रणनीतिक परिणामहरूबारे जानकारी गराएका थिए ।
यस वार्ताले ऊर्जा र रक्षाजस्ता परम्परागत क्षेत्रहरूमा सहकार्य जारी राख्नुका साथै आणविक विज्ञान र डिजिटल प्रविधि जस्ता नयाँ क्षेत्रहरूमा पनि साझेदारी विस्तार गर्ने सहमति गरेका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Apartment for Rent in Hattiban")
प्रतिक्रिया 4