२०८२ चैत २५ गते १४:३९ 
News Summary
Generated by OK AI. Editorially reviewed.- मिडफिल्डर प्रीति राई कम्बोडियाको प्रेह खान रिच स्वाय रिएङ वुमन्स एफसीमा अनुबन्धित भएकी छन् ।
- प्रीतिले भारतको किकस्टार्ट एफसी र जोर्डनको इतिहाद क्लबबाट अन्तर्राष्ट्रिय अनुभव बटुलेकी छन् ।
- प्रीतिले २०२१ मा १६ वर्षको उमेरमा नेपाली राष्ट्रिय टोलीबाट अन्तर्राष्ट्रिय फुटबलमा डेब्यू गरेकी थिइन् ।
२५ चैत, काठमाडौं । नेपाल महिला राष्ट्रिय फुटबल टोलीकी मिडफिल्डर प्रीति राई कम्बोडियाको क्लब प्रेह खान रिच स्वाय रिएङ वुमन्स एफसीमा अनुबन्धित भएकी छन्।
क्लबले फेसबुकमार्फत उनको तस्बिर सार्वजनिक गर्दै स्वागत गरेको छ । उनले क्लबसँग औपचारिक सम्झौता गरिसकेकी छन् ।
प्रीतिले यसअघि जोर्डनको इतिहाद क्लबबाट खेलेकी थिइन् । त्यसअघि सन् २०२३ मा उनले भारतको किकस्टार्ट एफसीमा खेलेर अन्तर्राष्ट्रिय अनुभव बटुलेकी थिइन् ।
कम उमेरमै आफ्नो खेलकुद यात्रामा उल्लेखनीय उपलब्धि हासिल गर्दै आएकी प्रीतिले घरेलु टोली एपीएफ क्लबबाट करिअर सुरु गरेकी थिइन् ।
प्रीतिले २०२१ मा मात्र १६ वर्षको उमेरमा नेपाली राष्ट्रिय टोलीबाट अन्तर्राष्ट्रिय फुटबलमा डेब्यू गरेकी थिइन् ।
प्रतिक्रिया 4