बोदे बरसाईन नगरपालिकालाई कर्मचारी नहटाउन उच्च अदालतको अन्तरिम आदेश

News Summary

Generated by OK AI. Editorially reviewed.

उच्च अदालत जनकपुर, राजविराज इजलासले करारका कर्मचारीलाई म्याद नसकिँदै नहटाउन सप्तरीको बोदे बरसाईन नगरपालिकाका नाममा अन्तरिम आदेश जारी गरेको छ ।
न्यायाधीश देवबहादुर सार्की र नरेश कुमार चौधरीको इजलासले करार अवधि नसकिँदासम्म कामकाज गर्न बाधा नगर्न र सेवा सुविधा दिन आदेश दिएको हो ।
नगरपालिकाले म्याद बाँकी छँदै ब्याक हो लोडर सहायक विवेक कुमार यादवलाई हटाएपछि उनी अदालत पुगेका थिए ।

२२ जेठ, सप्तरी । उच्च अदालत जनकपुर, राजविराज इजलासले करारमा नियुक्त कर्मचारीहरूलाई पदबाट हटाउने निर्णय कार्यान्वयन नगर्न सप्तरीको बोदे बरसाईन नगरपालिकालाई नाममा अन्तरिम आदेश जारी गरेको छ ।

न्यायाधीशहरू देवबहादुर सार्की र नरेश कुमार चौधरीको इजलासले उनीहरुलाई करार अवधिसमम पदबाट नहटाउनु भनी अन्तरिम आदेश जारी गरेको हो ।

आदेशमा भनिएको छ, ‘करार अवधिसम्म करार अनुसारको कामकाज गर्नमा बाधा अवरोध नगर्नु, नगराउनु सार्थ निजलाई करारमा उल्लेखित शर्त बमोजिमको सेवा सुविधा समेत प्रदान गर्नू भनी अन्तरिम आदेश जारी गरिदिएको छ ।’

बोदेबरसाईन नगरपालिकाले करार सम्झौताको समय सकिनुभन्दा अघि ब्याक हो लोडर सहायक पदमा कार्यरत कर्मचारी विवेक कुमार यादवलाई हटाएको थियो । त्यसपछि उनी अदालत गएका थिए ।

न्यायाधीश देवहादुर सार्की र नरेश कुमार चौधरीको इजलासले अल्पकालीन अन्तरिम आदेशलाई निरन्तरता दिई अन्तरिम आदेश जारी गरिदिएको छ ।