२०८३ भदौ १ गते १५:४१ 
News Summary
Generated by OK AI. Editorially reviewed.- पूर्वाधार विकास मन्त्री सुनील लम्साल ज्वरो र पिसाबमा संक्रमण देखिएपछि हाल आफ्नै निवासमा आराम गरिरहेका छन्।
१ भदौ, काठमाडौं । ज्वरो आएका कारण बिरामी परेका पूर्वाधार विकास मन्त्री सुनील लम्साल अहिले आफ्नै निवासमा आराम गरिरहेका छन् । उनको सचिवालयले दिएको जानकारी अनुसार स्वास्थ्य परीक्षणका क्रममा उनको पिसाबमा संक्रमण देखिएको छ ।
सुदूरपश्चिमको भ्रमणमा रहेका लम्साललाई बैतडीमा पुगेका बेला आइतबार उच्च ज्वरो देखिएको थियो । उनलाई सेनाको हेलिकप्टरबाट आइतबार नै काठमाडौं ल्याइएको थियो । गएराति नै उनको छाउनी अस्पतालमा स्वास्थ्य परीक्षण गरिएको लम्सालको सचिवालयले जानकारी दिएको छ ।
चिकित्सकहरूले एन्टिबायोटिक औषधि सेवन गरी कम्तीमा ५ दिन पूर्ण आराम गर्न सुझाव दिएका छन् । उनलाई उच्च ज्वरोसँगै शरीर दुख्ने तथा हिँडडुल गर्नसमेत कठिन भएको छ ।
प्रतिक्रिया 4