२०८३ असोज ४ गते १७:०९ 
News Summary
Generated by OK AI. Editorially reviewed.- भारतकी उपकप्तान स्मृति मन्धनाले बंगलादेशविरुद्ध १९ बलमा ३७ रन बनाउँदै महिला टी–२० अन्तर्राष्ट्रियमा सर्वाधिक रन बनाउने खेलाडीको कीर्तिमान बनाइन्।
- मन्धनाले न्युजिल्यान्डकी सुजी बेट्सलाई पछि पार्दै महिला टी–२० अन्तर्राष्ट्रियमा ४,७५१ रन पुर्याइन्।
- सन् २०१३ मा अन्तर्राष्ट्रिय डेब्यु गरेकी मन्धनाका नाममा तीनै फर्म्याटमा १०,९५० अन्तर्राष्ट्रिय रन छन्।
४ असोज, काठमाडौं । भारतकी उपकप्तान स्मृति मन्धनाले महिला टी–२० अन्तर्राष्ट्रिय क्रिकेटमा सर्वाधिक रन बनाउने खेलाडीको कीर्तिमान बनाएकी छन् ।
एसियन गेम्सअन्तर्गत बंगलादेशविरुद्धको सेमिफाइनलमा १९ बलमा ३७ रन बनाउने क्रममा मन्धनाले न्युजिल्यान्डकी सुजी बेट्सलाई पछि पार्दै नयाँ इतिहास रचेकी हुन् ।
सन् २०१३ मा भारतबाट अन्तर्राष्ट्रिय डेब्यु गरेकी ३० वर्षीया मन्धना महिला क्रिकेटकी सबैभन्दा सफल ब्याटरमध्ये एक हुन् । उनले हालसम्म महिला टी–२० अन्तर्राष्ट्रियमा ४,७५१ रन बनाएकी छन् ।
यसअघि २०२६ को महिला एसिया कपमा हङकङ विरुद्ध खेल्ने क्रममा मन्धनाले महिला अन्तर्राष्ट्रिय क्रिकेटमै सर्वाधिक रन बनाउने कीर्तिमान पनि बनाएकी थिइन् । हाल उनका नाममा तीनै फर्म्याटमा गरी १०,९५० अन्तर्राष्ट्रिय रन रहेका छन् ।
बायाँहाते ओपनर मन्धानले एकदिवसीय क्रिकेटमा १४ तथा टी–२० अन्तर्राष्ट्रियमा २ शतक प्रहार गरिसकेकी छन् । उनी आईसीसी महिला ओडीआई ब्याटिङ वरियताको शीर्षस्थानमा रहँदा टी–२० अन्तर्राष्ट्रिय वरियतामा पाँचौं स्थानमा छिन् ।
प्रतिक्रिया 4