News Summary
Generated by OK AI. Editorially reviewed.- चलचित्र विकास बोर्डको वेबसाइटमा नयाँ सूचना र जानकारीहरू अद्यावधिक नभएको, सामग्री पुराना भएको र उपयोगितासमेत कमजोर देखिएको छ।
- वेबसाइटमा ‘हिस्टोरिकल टाइमलाइन अफ नेपाली सिनेमा’, पुराना कार्यक्रम सूचना र प्रेस विज्ञप्ति मात्र भेटिने उल्लेख गरिएको छ।
- बोर्डको अध्यक्ष पद खाली रहेको र नयाँ अध्यक्ष आएपछि वेबसाइटलाई गतिशील बनाइनुपर्ने अपेक्षा व्यक्त गरिएको छ।
चलचित्र विकास बोर्ड आफैँमा सौम्य शक्तिको ‘हार्डवेयर’ हो । तर, यसैको वेबसाइट चाहिँ कस्तो ? एक पटक फन्को लगाउनुहोस् त ।
सिनेवृत्तका नयाँ–नयाँ मान्छे हुनुहुन्छ भने तपाईंलाई त्यो वेबसाइटले झुक्याउन सक्छ । किनभने, त्यसमा राखिएका थुप्रै सामग्री थोत्रा छन् । त्यहाँ नयाँ सूचना, जानकारीहरू अपडेट गरिएका छैनन् । हप्तामा एक पटक बक्स अफिस रिपोर्ट सार्वजनिक गर्नेबाहेक ।
वेबसाइटमा फन्को लगाइरहँदा कुनै भद्रगोल सरकारी कार्यालयभित्र प्रवेश गरेजस्तो लाग्न सक्छ । भर्याङको भित्तामा पान खाएर पिच्क्याएको, परागका खोलहरू यत्रतत्र छाडेको। शौचालय त छ, तर पस्नै नसकिने । धारा त छ, पानी नै नआउने ।
तपाईंले त्यहाँ सरसर्ती हेर्दै र खोज्दै जानुभयो भने नयाँ र आवश्यक कुराहरू फेला पार्नुहुन्न । पहिलो लहरमा कुनै बेला बाइस्कोप देखाइएको जस्तै ‘हिस्टोरिकल टाइमलाइन अफ नेपाली सिनेमा’ देख्नुहुनेछ । त्यसपछि तल्लो लहरमा पृथ्वी सुब्बा गुरुङहरू, दिनेश डिसीहरू ठिङ्ग उभिएको फेला पार्नुहुनेछ ।
अझ तल झर्नुभयो भने एक–दुई महिनाअघि गरिएका कार्यक्रमका सूचना, प्रेस विज्ञप्तिहरू पाउनुहुनेछ । समग्रमा, यो कुनै वेबसाइटभन्दा बढी सिकारु ब्लग साइटजस्तो देखिन्छ । न कलात्मक, न आकर्षक, न उपयोगी ।
त्यहाँ केही नम्बर उपलब्ध छन् । तर, फोन नगर्नुहोला, किनभने ती फोन उठाउने कर्मचारी सायद भेटिँदैनन्। जतिपटक फोन गर्नुहोस्, मरिगए उठ्दैनन् ।
हुन त यतिबेला विकास बोर्डको कुर्सी पनि खाली नै छ । त्यहाँ ‘योग्य’ अध्यक्षको खोजी भइरहेको छ । नयाँ अध्यक्ष विराजमान भएसँगै चलचित्र विकास बोर्डको वेबसाइट पनि गतिशील देखियोस् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4