२०७६ असार २४ गते १७:१६ 
२४ असार, हेटौंडा । प्रदेश ३ को खेलकुद विकास परिषद्का नवनियुक्त सदस्य सचिव तथा सदस्यहरुले मंगलबार सपथग्रहण गरेका छन् ।
परिषद्का अध्यक्ष एवम् प्रदेशका सामाजिक विकासमन्त्री युवराज दुलालले प्रदेश खेलकुद विकास परिषद्का नवनियुक्त सदस्य सचिव सूर्यलाल भण्डारी र ५ सदस्यहरुलाई पद तथा गोपनीयताको सपथ खुवाएका हुन् ।
प्रदेश खेलकुद विकास परिषद्मा २१ सदस्य टोली रहने भए पनि अहिले भने ६ जनालाई नियुक्त गरिएको हो ।
गतअसार ९ गते बसेको मन्त्रिपरिषदको बैठकले सदस्य सचिवमा भण्डारी र अन्य ५ जना सदस्यलाई नियुक्त गर्ने निर्णय गरेको थियो ।
परिषद्को सदस्यहरुमा विकास तामाङ, माधब तिमल्सिना, ममिता श्रेष्ठ, उत्तम गुरुङ र कल्पना शर्मालाई मंगलबार सफथ ग्रहण गराइएको हो ।
मन्त्री दुलालले खेलकुद क्षेत्रमा भइरहेको बिकृति र बिसंगतिहरुलाई हटाउन परिषदले काम गर्नुपर्ने बताए ।
नवनियुक्त सदस्य सचिव सूर्यलाल भण्डारीले प्रदेश सरकारले दिएको प्रदेश खेलकुद विकासको जिम्मेवारीलाई पूर्णरुपले निभाउने प्रतिबद्धता व्यक्त गरे ।
कार्यक्रममा प्रदेश ३ का नीति तथा योजना आयोगका सदस्य डाक्टर यमुना कंडेल, मन्त्रालयका सचिब दिपेन्ऽ सुबेदीलगायतकाको उपस्थित रहेको थियो ।
सदस्य सचिव भण्डारीले मंगलबार पदभारग्रहण गरेका छन् ।
प्रतिक्रिया 4