२५ असोज, काठमाडौं । इलियट किप्चोगे म्याराथन दुई घन्टाभन्दा कम समयमा पुरा गर्ने धावक बनेका छन् ।
केन्याका ३४ वर्षीय किप्चोगेले १ घण्टा ५९ मिनेट ४०:२ सेकेण्डमा ४२.२ किलोमिटर दुरी पार गरेका हुन् । तर उनको यो समय म्याराथनमा औपचारिक रेकर्डको रुपमा भने रहने छैन किनकी यो खुला प्रतिस्पर्धा होइन ।
चार पटकको लण्डन म्याराथन विजेता किप्चोगेले आफ्नी पत्नी ग्रेसलाई अंगालेर खुशी साटासाट गरे । त्यस्तै केन्याली झण्डा बोकेका उनलाई सहयात्रीहरुले उचालेर खुशी मनाएका थिए । उक्त म्याराथनमा किप्चोगे सरदर २.५२ किलोमिटर प्रतिमिनेटको दरले दौडिएका थिए ।
दौडमा ४२ जना सहभागी थिए, जसमा ओलम्पिकमा एथ्लेटिक्सका विभिन्न इभेन्टमा पदक जितेकाहरु पनि थिए । किप्चोगेलाई उनका प्रशिक्षकले मोटरसाइकलमा चढेर बेला बेलामा खानेपानी दिएका थिए । किप्चोगेको म्याराथनको आधिकारिक समय भने २ घण्टा १ः३९ सेकेन्ड रहेको छ ।
