१० माघ, चितवन । पश्चिम चितवनको मेघौलीमा अटोको ठक्करबाट गम्भीर घाइते भएका एक बालकको उपचारको क्रममा मृत्यु भएको छ ।
शुक्रबार दिउँसो साढे १२ बजे भरतपुर महानगरपालिका २८ को जोगीटोलमा पर्साढापबाट गोलाघाट जाँदै लु १ स ७७३० नम्बरको तरकारी बोक्ने अटोले ५ बर्षका मनिष कुमाललाई ठक्कर दिएको थियो ।
ठक्करबाट गम्भीर घाइते भई उपचारको लागि पुरानो मेडिकल कलेज भरतपुर ल्याइएकोमा उपचारको क्रममा बालकको मृत्यु भएको हो । ठक्कर दिने अटो र चालकलाई पक्राउ गरिएको जिल्ला प्रहरी कार्यालय चितवनले जनाएको छ ।
