२५ फागुन, काठमाडौं । कञ्चनुपरमा दुई वटा मोटरसाइकल एकआपसमा ठोक्किँदा एक जनाको मृत्यु भएको छ भने अन्य दुई जना घाइते भएका छन् । मृत्यु हुनेमा पुनर्वास नगरपालिका-८ का दिनदयाल राना रहेका छन् ।
म.२ प ५२२ नम्बर र से.४ प ६९६६ नम्बरको मोटरसाइकल पुनर्वास नगरपालिकाको वडा नम्बर ८ स्थित सडकमा आइतबार बिहान एकआपसमा ठोक्किएको थियो ।
दुर्घटनामा परी गम्भीर घाइते भइका म.२ प ५२२ नम्बरको मोटरसाइकल चालक रानाको प्रादेशिक अस्पताल धनगढीमा उपचारको क्रममा मृत्यु भएको प्रहरीले जनाएको छ ।
दुर्घटनामा घाइते भएका अन्य २ जनालाई थप उपचारको लागि कोहलपुर पठाइएको प्रहरीले जनाएको छ ।
