+
+

राजकुमार हिरानीसँग काम गर्दैछन् शाहरुख ?

अनलाइनखबर अनलाइनखबर
२०७७ वैशाख ९ गते १४:०८

बलिउड नायक शाहरुख खानले चलचित्रमा काम नगरेको एक बर्ष भन्दा बढी भयो । कोरोना भाइरसको त्रास फैलनु अगाडि नायक शाहरुख खानले नयाँ चलचित्र घोषणा गर्न लागेको चर्चा बलिउड बजारमा खुबै चलेको थियो ।

अहिले यो रोकिएको छ । तर, पनि शाहरुख खानलाई दर्शकले नयाँ चलचित्र कहिले घोषणा गर्ने भनेर सोधिरहेका छन् ।

सामाजिक संजाल ट्विटरमा शाहरुख खानले दर्शकको प्रश्नको जवाफ दिएका छन् । शाहरुखले जवाफ दिने क्रममा राजकुमार हिरानीसँग काम गर्न लागेको संकेत गरेका छन् ।

हलिउडका दुई निर्देशक पनि राम्रो रहेको भन्दै उनले राजु हिरानी आफ्नो लाग्ने खुलाएका छन् । यसबाट पनि शाहरुखले राजकुमार हिरानीको चलचित्रमा काम गर्न लागेको धेरैले विश्लेषण गरेका छन् ।

एक जना दर्शकले शाहरुखलाई नायक सलमान खानको नयाँ गीतको बिषयमा सोधेका थिए । जसमा, शाहरुखले सलमान कमालको सिंगल र गायक रहेको बताएका छन् ।

शाहरुखलाई लक डाउनमा के सिक्नु भयो भनेर सोधिएको प्रश्नमा उनले जवाफ दिएका छन–‘यो समयमा हामी केही सुस्त हुन जरुरी छ । २४ घन्टा क्षणिक तृप्त हुनु भन्दा जिन्दगी र प्रकृतिलाई महसुश गर्नु आवश्यक छ ।’

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?