‘धुरन्धर २’ को नेपाल कमाइ १० करोड नाघ्यो, लगानी उठाउला ?

News Summary

Generated by OK AI. Editorially reviewed.

बलिउड फिल्म 'धुरन्धर २' ले नेपाली बक्सअफिसमा १० करोड ४७ लाख रुपैयाँ ग्रस कमाएको छ।
फिल्मको कुल लगानी उठाउन कमाइ साढे १७ करोड रुपैयाँ ग्रस हुनुपर्ने वितरकले बताएका छन्।
दोस्रो सातामा सेयर प्रतिशत घट्ने भएकाले लगानी उठ्ने वा नउठ्ने विषय अनिश्चित छ।

काठमाडौं । आदित्य धर निर्देशित बलिउड फिल्म ‘धुरन्धर २’ अर्थात ‘धुरन्धर : द रिभेन्ज’ ले नेपाली बक्सअफिसमा सुखद कमाइ गरेको छ । यो फिल्मले नेपाली बक्सअफिसमा अघिल्लो भागको कमाइलाई उछिन्ने देखिन्छ ।

आइतबारसम्म रणवीर सिंह स्टारर स्पाइ-एक्सन फिल्मको कमाइ १० करोड रुपैयाँ ग्रस नाघेको छ । दिउँसो १२ बजेसम्म फिल्मले १० करोड ४७ लाख १७ हजार ८११ रुपैयाँ ग्रस कमाएको छ ।

तर, यति कमाएर मात्रै यो फिल्मको लगानी उठ्दैन । नेपाली वितरकले गरेको लगानी उठाउन यसको कुल कमाइ साढे १७ करोड रुपैयाँ ग्रसभन्दा धेरै हुनुपर्छ ।

दोस्रो सातामा वितरकले हलबाट पाउने सेयरको प्रतिशतमा गिरावट आउने भएकाले लगानी उठाउन सक्छ या सक्दैन भन्ने कुरा अनुमानको कुरा हो । यद्यपि, यो फिल्मले भारत र विश्वभर उछाल कमाइ गरेको छ ।