१२ साउन, जुम्ला । कनकासुन्दरी गाउँपालिका-४ का ऐनबहादुर शाही आफ्नै बुबाको हत्या गरेको आरोपमा पक्राउ परेका छन् । ऐनबहादुरले ७५ वर्षीय बुवा दानबहादुरको कुटपिट गरी हत्या गरेको आरोप छ ।
प्रहरी नायब उपरीक्षक लालबहादुर धामीका अनुसार छोरा ऐनबहादुरले मदिरा सेवन गरी आफ्नै बुबाको कुटपिट गरेर शनिबार राति हत्या गरेका हुन् ।
घटनापछि घाइते दानबहादुरलाई उपचारका लागि सदरमुकाम ल्याउँदै गर्दा बाटैमा मृत्यु भएको र शव परीक्षणका लागि कर्णाली स्वास्थ्य विज्ञान प्रतिष्ठान शिक्षण अस्पतालमा ल्याइएको छ ।
प्रहरीको नियन्त्रणमा रहेका ऐनबहादुरालाई जिल्ला प्रहरी कार्यालय जुम्ला ल्याउनलाई प्रहरी निरीक्षक देवराज भट्टराई सहितको टोली कनकासुन्दरी पुगेको छ ।
मृतकको टाउको, आँखा र कोखामा चोटपटक लागेको छ । मृतक नेपाल प्रहरीका निवृत्त सहायक निरीक्षक भएको जिल्ला प्रहरी कार्यालयले जानकारी दिएको छ ।
लेखकको बारेमा
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpeg)
प्रतिक्रिया 4