९ मााघ काठमाडौं । फागुन ६ गतेदेखि राजधानीको भृकुटीमण्डपमा राष्ट्रिय औद्योगिक प्रर्दशनी हुने भएको छ । मेडइन नेपालमा गौरब गरौं, स्वदेशी वस्तु प्रयोग गरौं’ भन्ने नाराकार साथ मेलाको आयोजना गर्न लागिएको हो ।
प्रर्दशनीमा ७५ जिल्लाबाट दुई उद्यमीका दरले सहभागिता रहने सो प्रर्दशनीमा २ सयभन्दा बढी स्टल रहने आयोजक संस्था घरेलु विकास समितिले जनाएको छ ।
घरेलु विकास समितिका उपकार्यकारी निर्देशक नारायण लामिछानेले प्रर्दशनी तयारी र व्यवस्थापन लगायतका विषयमा उद्योगमन्त्री महेश बस्नेतलाई बिहीबार जानकारी गराए ।
समितिका उपकार्यकारी निर्देशक नारायण लामिछानेले प्रर्दशनीमा लघु, घरेलु तथा साना उद्योगका साथै नविकरणीय उर्जाको स्टलसमेत रहने जानकारी दिए । फागुन १० गतेसम्म संचालन हुने प्रर्दशनीमा पुष्प व्यवसाय र वनस्पती व्यवसायका स्टल समेत समावेश गरिने बताइएको छ ।
