३० लाख लिटर दूध अभाव

५ असोज, पर्वत । ठाउँठाउँमा दूध बिक्री नभएपछि मिल्क होलिडेको समस्या कृषकले बेहोर्दै आएको भए पनि पर्वतमा भने ३० लाख लिटर दूध बाहिबार आयात गर्नुपर्ने अवस्था रहेको छ ।

पशुपालनको क्षेत्रमा आएको गिरावट, वैदेशिक रोजगारीका कारण युवाको पलायन र उन्नत पशुपालनको अभावमा जिल्लामा बर्षेनी बाहिरबाट जिल्लामा दूध आयात गर्नुपर्ने अवस्था आएको नेपाल समाचारपत्रमा खबर छ ।

पर्वतमा रहेको जनसंख्याको अनुपातमा अहिले पनि वाषिर्क २९ लाख ४० हजार लिटर दूध अभाव हुने गरेको हो । यसले गर्दा प्रत्येक वर्ष १४ करोड ७० लाख रुपैयाँ बाहिरिने गरेको छ ।

जिल्लामा उन्नत गाई भैंसी पालेर दूध उत्पादन बढाउन सकेमा सयौं युवाले रोजगारी पाउनुका साथै जिल्लाबाट बाहिरिने करोडौं रुपैयाँ जिल्लामै रहन सक्ने भएकाले उन्नत पशुपालन गर्नुपर्ने जिल्ला पशुसेवा कार्यालयका बरिष्ठ पशु विकास अधिकृत अमृतकुमार मास्केले बताए ।