गजल
सेपेनीमा धान-अलैंची, फल्दैछ कि छैन आमा ?
झ्यालको कापमा, अम्फी बत्ति बल्दैछ कि छैन आमा ?
पोहोर साल फोन गर्दा आधा फसल घट्यो भन्थ्यौ
कान्छो भाइले गैरीबारी मल्दैछ कि छैन आमा ?
साहु उस्तै घामटको छ, रासन पैसा अड्काको छ
घरको व्यवहार जेन-तेन चल्दैछ कि छैन आमा ?
काम भने डङ्गुरो छ, कमाई भने उस्तो छैन
पहिले जस्तै साहुले हिसाब छल्दैछ कि छैन आमा ?
म यहाँ दुःख झेल्छु, तिमी त्यहाँ सास्ती खेप्छ्यौं
खुइँया बिना कुनै रात ढल्दैछ कि छैन आमा ?
कर्मै उस्तो भएपछि बर्मा पनि उस्तै रै’छ
मेरा आँशु पुछ्ने ती हात, गल्दैछन् कि छैन आमा ?
– राजु शिवा ‘यायावर’, इलाम
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
भर्खरै
पुराना
लोकप्रिय
Hot Properties
.png)
.png)
सम्बन्धित खबर
ट्रेन्डिङ
Advertisment
प्रतिक्रिया 4