१९ वैशाख, काठमाडौं । जमिन मुनि पुरिएको कति दिनसम्म मानिस बाँच्ला ? कल्पना गर्न सक्नुहुन्छ ? खाना, पानी केहि पनि नखाइ जमिन मुनिबाट जिउँदै कुनै व्यक्ति निस्कियो भने चमत्कारै मान्नुपर्छ ।
यस्तै चमत्कार भएको छ दक्षिण अमेरिकी देश इक्वेडरमा । इक्वेडरमा भूकम्पको भग्नावशेषमा पुरिएको एक वृद्धलाई १३ दिनपछि जिउँदै बाहिर निकालिएको छ । उद्धारकर्ताहरुले ७२ वर्षीय मेनुअल वास्केजलाई सकुशल बाहिर निकालेका हुन् ।
भेनेजुयलाको क्विटोस्थित दूतावासले आफ्नो वेबसाइटमा लेखेको छ, ‘इक्वेडरको भ्रमणमा आएका मेनुअल बास्केजलाई पत्ता लगाएर उद्धारकर्मीहरुले सकुशल बाहिर निकालेका छन् ।’
इक्वेडरमा गत १७ अप्रिलमा ७ दशमलव ८ रेक्टर स्केलको विनासकारी भूकम्प गएको थियो । भूकम्पमा परेर ६ सय ६० जनाको मृत्यु भएको छ ।
दूतावासले भनेको छ- गत शुक्रबार मनाबी प्रान्तको एक क्षतिग्रस्त भवनबाट वास्केजले उद्धारकर्मीहरुलाई बोलाइरहेका थिए । त्यतिबेला क्षतिग्रस्त संरचनाहरुको निरीक्षण भइरहेको थियो ।
उनलाई उद्धार गरेपछि अस्पताल भर्ना गरिएको छ । उनको स्वासप्रश्वासमा समस्या देखिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4