१९ असार, कावासोती । नवलपरासीको रजहरमा आइतबार दिउँसो बस दुर्घटना हुँदा १७ जना घाइते भएका छन् । घाइतेमध्ये ७ जनाको अवस्था गम्भीर छ ।
इलाका प्रहरी कार्यालय रजहरका अनुसार पूर्व-पश्चिम राजमार्गअन्तर्गत इलाका प्रहरी कार्यालय अगाडि लु १ ख ८७६२ नम्बरको बस दुर्घटना भएको हो ।
पूर्वबाट पश्चिमतर्फ जाँदै गरेको सो बस ना २२ प ८२६२ नम्बरको मोटरसाइकललाई जोगाउने क्रममा अनियन्त्रित भई दुर्घटना भएको प्रहरीले जनाएको छ ।
दुर्घटनामा घाइते सबैलाई उपचारका लागि चितवनको भरतपुरस्थित पुरानो मेडिकल कलेज पठाइएको छ ।
चालक र बस प्रहरी नियन्त्रणमा छन् ।
