सोमबार, ९ असोज, २०७४
OnlineKhabar.com

राजपा नेताले भने- हामी एकढिक्का छौं

सलमान खान

२ साउन, भैरहवा । राष्ट्रिय जनता पार्टी नेपालले पार्टी फुटको संघारमा नरहेको बताएको छ । सोमबार राजपाले भैरहवामा पत्रकार सम्मेलन गरी फुट्न लागेको भनेर बिभिन्न सन्चार माध्यमहरुमा आएका समाचारहरुको खण्डन गरेको हो ।

आइतबार भैरहवामा राजपाका नेताहरुको बैठक बसे पश्चात केही सञ्चारमाध्यमहरुले राजपा फुटको संघारमा रहेको भन्दै समाचार प्रकाशित गरेका थिए ।

सोमबार पत्रकार सम्मेलन गर्दै राजपाका केन्द्रीय उपाध्यक्ष ओमप्रकाश यादव -गुल्जारी)ले भने, ‘त्यस बैठकलाई लिएर जुन संचारमाध्यमहरुमा कल्पोकलपित समाचारहरु आयो त्यसको हामी खण्डन गर्छौं । त्यसमा कुनै सत्यता छैन । हामी एक ढिक्का छौं र हामीलाई फुटाउन खोज्नेहरु आफै फुट्नेछन् ।’

आइतबारको बैठक पार्टीको निर्णय वा निर्देशनमा नबसेको बताउँदै उनले स्थानीय स्तरका नेताहरु ५ नम्बर प्रदेशमा सम्पन्न निर्वाचनको विषयमा छलफल गर्न बसेको दावी गरे ।

उनले भने, ‘हिजोको बैठकमा म आफै उपस्थित थिएँ र पार्टीको निर्देशन अनुसार हिंजोको बैठक थिएन । हामी यसै क्षेत्रका नेताहरु थियौं । सम्पन्न भएको निर्वाचनको विषयमा आफूहरु छलफल गर्नका लागि बसेका थियौं । पार्टी फुट्ने फुटाउने विषयमा त्यस्तो केही छलफल नै भएको थिएन । अफवाह मात्रै फैलाइएको छ ।’

राजपाका अर्का केन्द्रीय उपाध्यक्ष शर्वेन्द्रनाथ शुक्लाले पनि अनलाइनखबरसँग टेलिफोनमा कुराकानी गर्दै पार्टी फुटको संघारमा नरहेको बताए । उनले बाहिर हल्ला आए जस्तो पार्टी फुट्ने विषय अफवाह मात्र भएको बताए ।

२०७४ साउन २ गते ११:२६ मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

१ प्रतिकृया प्राप्त
  • लाला लेख्नुहुन्छ    |   २०७४ साउन २ गते १६:३९

    केना हेते हो ?
    ठाकुर बुढवा त टेन्सनमे छैत ।

    0
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this