१३ जेठ, काठमाडौं । प्रधानमन्त्री केपी शर्मा ओलीले अब भारतले सिमानामा बाटाका नाममा बाँध बाँधेर डुवानमा नपार्ने बताएका छन् ।
सरकारको नीति तथा कार्यक्रममा सांसदहरुले उठाएका प्रश्नहरुको जवाफ दिँदै प्रधानमन्त्री ओलीले पूर्वसहमतिअनुसार डुवान क्षेत्रको अनुगमनका लागि छिट्टै संयुक्त टोली खटाइने बताए ।
उनले भने, ‘अब सिमानामा बाटाका नाममा, के नाममा डुवान गर्न पाउँदैन, गर्दैन ।’
उनले छिमेकी मुलुकसँग कुनै कार्ड नखेल्ने र लादिएका कुरा पनि स्वीकार्य नहुने बताए ।
प्रवुद्ध समूहको पछिल्लो बैठक भर्खर सकिएको भन्दै उनले सन् १९५० को सन्धिमा केके संशोधन गर्ने भन्ने सहमति नजिक पुगेको संसदलाई जानकारी गराए ।
