१७ भदौ, काठमाडौं । महानगरीय प्रहरी परिसर, काठमाडौंले एक सामान्य घटनाका आरोपितलाई पक्राउ गर्न आइतबार दिउँसो गोली चलाएको छ । यद्यपि, प्रहरीले अभियुक्तलाई पक्राउ गर्न सकेन ।
प्रेमीले धोका दिएपछि प्रहरीमा जबरजस्तीकरणी प्रयासको मुद्दा दर्ता गर्न भन्दै आएकी एक मोडलको पीडकलाई पक्राउ गर्न प्रहरीले हवाई फायरिङ गरेको प्रहरी स्रोतले बतायो ।
‘दिउँसो परिसरबाट खटिएको सादा पोशाकको टोलीले किसान राई नामक युवकलाई पक्राउ गर्न गोली चलाएको हो’, स्रोतले भन्यो, ‘तर, लखेट्दा लखेट्दै पनि उनी उम्किन सफल भए ।’
काठमाडौं परिसरका प्रमुख एसएसपी वसन्त लामाले भने गोली नचलाइएको दाबी गरे ।
‘उनलाई पक्राउ गर्न जाँदा हेलमेट बजारिएको थियो । त्यहाँ धकेल्दा पेस्तोल पनि देखियो’, लामाले अनलाइनखबरसँग भने, ‘त्यसैले त्यहाँका लोकललाई गोली चलेको जस्तो लागेको हो ।’
यद्यपि, एक अधिकारी भने माथिल्लो निकायलाई गलत रिपोर्टिङ भएको बताउँछन् । प्रहरीले ‘चाइनिज टाइप ७७’ हवाई फायरिङ गरेको ती अधिकारीको भनाइ छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4