२ वैशाख, काठमाडौं । भारतको चुनाव आयोगले उत्तर प्रदेशका मुख्यमन्त्री योगी आदित्यनाथ र बहुजन समाजवादी पार्टीका सुप्रिमो मायावतीलाई चुनाव प्रचारमा रोक लगाएको छ ।
योगीलाई तीन र मायावतीलाई दुई दिन चुनाव प्रचार गर्न रोक लगाइएको भारतीय सञ्चार माध्यमहरले जनाएका छन् । यो प्रतिबन्ध १६ अप्रिलबाट लागू हुनेछ ।
निर्वाचन आचार संहिता उल्लंघन गरेकाले प्रतिबन्ध लगाउनु परेको भारतीय चुनाव आयोगले जनाएको छ ।
