२५ भदौ, काठमाडौं । फ्रान्सले युरो कप छनोट फुटबलमा एन्डोरालाई पराजित गरेको छ ।
मंगलबार राति भएको खेलमा घरेलु टोली फ्रान्सले एन्डोरालाई ३–० गोलअन्तरले पराजित गरेको हो । समूह ‘एच’ मा रहेको फ्रान्सले एन्डोरामाथि सहज जित निकालेको हो । फ्रान्सको जितमा किङस्लेय कोमान, क्लेमेन्ट लेङलेट र विसाम बेन एडरले समान १–१ गोल गरे ।
पहिलो हाफमा १–० गोलको अग्रता बनाएको फ्रान्सले दोस्रो हाफमा थप दुई गोल गर्दै जित हात पारेको हो । खेलको १८औं मिनेटमा नै कोमानले गोल गर्दै १–० गोलको अग्रता दिलाए ।
त्यस्तै, खेलको ५२औं मिनेटमा क्लेमेन्टले र खेलको अतिरिक्त समयमा बेन एडरले गोल गर्दै फ्रान्सलाई ३–० गोलको जित दिलाए ।
यो जितसँगै समूह ‘एच’ मा रहेको फ्रान्सले ६ खेलमध्ये पाँच खेलमा जित र एक खेलमा हारसहित १५ अंक बनाएर दोस्रो स्थानमा छ । यो समूहमा शीर्ष स्थानमा भने टर्की रहेको छ । टर्कीले मंगलबार राति भएको खेलमा मोल्डोभालाई ४–० गोलअन्तरले पराजित गरेको हो ।
