२०७६ माघ ३ गते २१:०७ 
काठमाडौं । लेस्टर सिटी छाडेर म्यानचेष्टर युनाइटेड गएको पाँच महिनामा नै हृयारी मागुइरले कप्तानको जिम्मेवारी पाएका छन् । उनले एस्ले योङको स्थान लिएका हुन्, जो ओल्ड ट्रार्फड छाडेर इन्टर मिलान जाने संघारमा छन् ।
गत अगष्टमा ८० मिलियन युरोमा युनाइटेड गएका २६ वर्षका मागुइरले क्लबका लागि २९ खेल खेलेका छन् । ‘उनको हरेक कुराले उनी नेता हुन् भन्ने बतायो’ प्रशिक्षक ओले गुनर सोल्सायरले भनेका छन् ।
यो सिजन योङ अनुपस्थित भएको खेलमा मार्कार रासर्फड, डेभिड डि जिया र जेसी लिङगार्डले कप्तानको भूमिका निभाएका थिए ।
प्रशिक्षक सोल्सायरले योङले क्लब छाड्ने यो उपयुक्त समय भएको समेत बताएका छन् । २०११ मा एस्टनभिल्लाबाट आएका ३४ वर्षका उनले क्लबबाट २६१ खेल खेलेका छन् ।
प्रतिक्रिया 4