११ फागुन, काठमाडौं । मोडललाई बलि चढाउन खोजेको आरोपमा प्रहरीले पक्राउ गरेका ७ जनामध्ये ६ जनालाई कारागार चलान गरिएको छ ।
जिल्ला अदालत, काठमाडौंले भारतमा लगेर बलि चढाउन खोजिएको प्रकरणमा संलग्नमध्ये एक जनालाई धरौटीमा छाड्ने आदेश दिएको छ ।
सुनसरीका रञ्जितकुमार चौधरी धरौटीमा छुटेका हुन् ।
काठमाडौं प्रहरी परिसर, टेकुका डीएसपी होविन्द्र बोगटी एक साताअघि भएको आदेश अनुसार उनीहरुलाई सुन्धारास्थित केन्द्रीय कारागार चलान गरिएको बताउँछन् ।
बोगटीका अनुसार प्रकरणमा संलग्न दिलिप पोद्दार, कृष्ण तामाङ, उमेश शाह, दिलकुमारी बुढामगर, उमेश माझी र प्रेमा तामाङ कारागारमा छन् ।
यसअघि पीडित भनिएकी युवतीको चलाखीका कारण प्रहरीले चलाएको कोभर्ट अपरेशनका कारण यो गिरोह पुस दोस्रो साता समातिएको थियो । उनीहरुको साथबाट नगद एक लाख बराबरको चेक, धागो, कपडा, तान्त्रिक पूजा सामग्री लगायत बरामद भएको थियो ।
प्रहरीले ७ जनैविरुद्ध मानव बेचबिखन तथा ओसारपसार सम्बन्धी कसूरमा मुद्दा चलाएको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4