कान्तिपुर फिल्म एकेडेमीका सीईओ प्रकाश पुरीले ‘मैले देखेको कथा’ नामक वृत्तचित्र तयार पारेका छन् । खोटाङ जिल्ला, हलेसी तुवाचुङ्ग नगरपालिकाको बिजुलेबाट पुगेर उनले यो वृत्तचित्र तयार पारेका हुन् । जिन्दगीभरि गरिबीको चपेटामा रहेका र समाजबाट सधैं अवहेलित भएकी ८५ वर्षीया वृद्धा थमिनी बढेमाको कथालाई उनले वृत्तचित्रमा उतारेका छन् ।
प्रकाशले तयार पारेको योे डकुमेन्ट्रीमा समाजबाट सदियौंदेखि छुवाछुतको भेदभाव भइरहेको, गाउँभरिको एक मात्र दलित तथा विपन्न परिवारकी ८५ वर्षीया आमा थमिनी बडेमाको जीवन, भोगाइ र अनुभवहरू समेटिएको छ।
‘मैले देखेको कथा’ को ‘थमिनी बढेमा’मा देखाइएअनुसार, थमिनी बढेमा १० जना सन्तानकी आमा हुन्। उनका ८ जना बच्चा मरेर गए, दुई जना बेपत्ता छन् । उनी अहिले सन्तानविहीन छिन् । उनको आफ्नो नामको जग्गा र घर छैन । गाउँभरि भएको सुविधा धारा, बिजुली बत्ती, सडक उनको एउटा घरमा मात्रै छैन। उनी सरकारले दिने वृद्धभत्ताको आडमा जीवनयापन गरिरहेकी छिन् ।
डोको र नाम्लोमा जिन्दगी बिताएकी छिन् । उनीसँग अब उमेर छैन, सन्तान छैनन्, सम्पत्ति छैन, संसार देखेकी छैनन् तर पनि उनलाई कुनै गुनासो छैन । प्रकाशले २० मिनेट लामो वृत्तचित्रमा उनको यस्तै भोगाइ पस्केका छन् । प्रकाशले गाउँमा बसिरहँदा मोबाइलबाट खिचेर यो भिडियो तयार पारेका हुन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land for Sale in Lubhu")
%20-%20Copy.jpg "4 BHK House for Rent at Bhaisepati")
.jpg "Residential Land for Sale at Imadol")
प्रतिक्रिया 4