एउटा सपना सजाएथे, रहरै रहरमा
त्यही पनि लुटिएछ, फूलको सहरमा
गीत–संगीतमा सबैभन्दा बढी रुचाइने विषय हो, प्रेम–विरह । यसैको सिलसिला हो, एउटा सपना । आफ्नो प्रेमिल सपनामा जब ठेस लाग्छ, मान्छेका बाँच्ने रहरहरु टुंगिन्छ । यस्तै भाव पोखिएको छ गीतमा ।
उत्सवकान्त मैनालीले स्वरवद्ध गरेको यही गीतको म्युजिक भिडियो हालै सार्वजनिक भएको छ । म्युजिक भिडियोमा कमलकान्त मैनाली, रजनी केसी र अशिम पौडेलको अभिनय रहेको छ । यसका निर्देशन गरेका हुन् निर्मल शर्मा र गायक कमलकान्त मैनालीले । ‘गैडा’ उपनामले चिनिने निर्मल शर्मा हास्य कलाकारिता, चलिचित्र निर्देशन र निर्माण पनि सक्रिय छन् । राजु केसीले कोरियोग्राफी गरेका छन् ।
यो गीत रमेश सुवेदीले लेखेका हुन् । संगीत रोशन राज गुरुङले दिएका छन् । कुमार थापाले संगीत संयोजन गरेका छन् ।
