२१ असार, जनकपुरधाम । सिके राउत नेतृत्वको जनमत पार्टीले नागरिकता विधेयकविरुद्ध गठबन्धन बनाएर आन्दोलन गर्न अन्य दलहरुलाई आह्वान गरेको छ ।
पार्टीको शनिबार सम्पन्न केन्द्रीय समिति बैठकले यस्तो निर्णय गरेको अध्यक्ष डा. सिके राउतले प्रेस विज्ञप्ति जारी गर्दै जानकारी दिएका छन् । अलग अलग छिन्न भिन्न तरिकाले संघर्ष गर्नुको सट्टा सम्पूर्ण शक्तिहरुको गठबन्धन बनाएर अगाडि बढ्दा आन्दोलनलाई निर्णायक बनाउन सकिने उनले बताएका छन् ।
डा. राउतले जारी गरेको विज्ञप्तिमा गठबन्धनको नाम, एजेन्डा तथा आन्दोलनका कार्यक्रमहरु आपसी छलफलबाट टुंगो लगाइने उल्लेख छ ।
