२५ असार, काठमाडौं । सत्तारुढ नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्डसँग प्रधानमन्त्री केपी शर्मा ओली निकट नेताहरुले भेटवार्ता गरेका छन् ।
बिहीबार उपप्रधान तथा रक्षामन्त्री ईश्वर पोखरेल प्रचण्डसँग भेटवार्ताका लागि खुमलटार पुगेका थिए ।
त्यस्तै महासचिव विष्णु पौडेल, संसदीय दलका उपनेता सुवास नेम्वाङ र प्रदेश ५ का मुख्यमन्त्री शंकर पोखरेलले पनि प्रचण्डसँग खुमलटारमा भेटवार्ता गरेका छन् ।
भेटमा नेताहरुले पार्टी एकतामा जोड दिएका थिए ।
प्रचण्ड र अर्का अध्यक्ष ओलीबीच बुधबार भेटवार्ता भएको थियो । तर, सहमति हुनुको साटो तिक्ततापूर्ण सम्वाद भएको थियो । बिहीबार दुई नेताबीच भेटवार्ता समेत भएको छैन ।
भोलि बिहान ११ बजे बालुवाटारमा स्थायी कमिटी बैठक बोलाइएको छ ।
