७ साउन, काठमाडौं । कैलालीको लम्कीचुहा नगरपालिकाको कागजात अख्तियारले नियन्त्रणमा लिएको छ ।
नगरपालिकाले पुरानो मिति हालेर चेक काटिरहेको भन्ने सूचनाको आधारमा अख्तियार दुरुपयोग अनुसन्धान आयोगको कार्यालय कञ्चनपुरबाट खटिएको टोलीले छापा मारेर कागजात जफत गरेको हो ।
आवश्यक कागजात नियन्त्रणमा लिएसँगै छानबिनको प्रक्रिया सुरु गरिएको अख्तियार दुरुपयोग अनुसन्धान आयोग कञ्चनपुरका सूचना अधिकारी हरिष जोशीले जानकारी दिए ।
