२१ असोज, काठमाडौं । वैदेशिक रोजगारीका लागि माल्टा पठाइदिने प्रलोभन देखाएर ठगी गरेको आरोपमा प्रहरीले एकजनालाई पक्राउ गरेको छ । पक्राउ पर्नेमा सुनसरीको बराहक्षेत्र नगरपालिका–९ प्रकाशपुर बस्ने ३२ वर्षीय सुरज राई रहेका छन् ।
राईले माल्टा पठाइदिने प्रलोभनमा पारी ४८ लाख ९८ हजार रुपैयाँ ठगी गरेर फरार भएको उजुरी परेपछि उनलाई सुनसरीबाट मंगलबार नियन्त्रणमा लिएको महानगरीय प्रहरी परिसर काठमाडौंले जनाएको छ ।
सुनसरी प्रहरीको समन्वयमा नियन्त्रणमा लिइएका राईलाई बुधबार महाशाखामा उपस्थित गराई आवश्यक अनुसन्धान थालिएको महाशाखाले जनाएको छ ।