आज विजयादशमीको दशौं दिन । आज नेपाली चलचित्रका कलाकारहरुले दशैंको टिका आफ्नो परिवारसँग मिलेर लगाएका छन् । कोभिड १९ को महामारीका कारण परिवार भित्रै कलाकारहरुले दशैंको टिका लगाएका हुन् ।
नायक अनमोल केसीले आफ्नो परिवारसँग दशैंको टिका लगाएका छन् । टिका लगाउने क्रममा नायक अनमोल केसीले मास्क लगाएको देख्न सकिन्छ ।
कोभिडका कारण सुरक्षित रुपमा सामाजिक दुरी कायम गर्दै दशैं मनाउनुपर्छ भन्ने सन्देश अनमोलले दिएका छन् ।
यस्तै, कलाकार हरिवंश आचार्य, जितु नेपाल, सन्दिप क्षेत्री, नायक आकाश श्रेष्ठ, नायिका नीता ढुंगाना, संगीतकार अर्जुन पोखरेल लगायतले पनि दशैंको टिका लगाएको तस्वीर सामाजिक संजालमा शेयर गरेका छन् ।
नेपाली चलचित्रका कलाकारहरुले दशैंको टिका परिवारभित्रै नै खुशी साटेर मनाइरहेको जानकारी दिएका छन् । नायिका वर्षा राउतको भने यो बर्ष टिका भएन । आफ्नो आफन्त भित्र जुठो परेपछि उनले टिका लगाइनन् ।
