२०७७ चैत १४ गते १८:१६ 
१४ चैत, सुर्खेत । वीरेन्द्रनगरमा भएको कर्णाली प्रदेश स्तरीय खुल्ला पुरुष भलिबल प्रतियोगिताको उपाधि आयोजक चुली युवा क्लबले जितेको छ ।
शनिबार भएको फाइनल खेलमा चुलीले पाहुना टोली रुकुम पश्चिमलाई हराउँदै ‘प्रथम चुली कप-२०७७’ को उपाधि उचालेको हो । फाइनलमा चुलीले रुकुम पश्चिमलाई सोझो तीन सेटमा हरायो । उपाधि जितेपछि चुलीले दुई लाख रुपैयाँ नगद र ट्रफी हात पारेको आयोजक संस्था चुली युवा क्लबका अध्यक्ष महेश जीसीले जानकारी दिए ।
उपविजेता बनेको रुकुम पश्चिमले एक लाख ५० हजार नगद र ट्रफी हात पार्यो भने तेस्रो स्थान प्राप्त गरेको हाम्रो कम्प्युटर सुर्खेतले एक लाख रुपैयाँ नगद प्राप्त गरेको छ ।
यस्तै प्रतियोगितामा चौथो बनेको बनगाड कुपिण्डे युवा क्लबले ५० हजारसहित ट्रफी प्राप्त गर्यो ।
प्रतिक्रिया 4