२०७८ असार २७ गते १५:०९ 
२७ असार, काठमाडौं । गत चैतमा सम्पन्न थ्री नेसन्स कप अन्तर्राष्ट्रिय फुटबलको उपाधि जितेको नेपाली राष्ट्रिय फुटबल टिमलाई सरकारले नगदसहित सम्मान गरेको छ ।
प्रधानमन्त्री निवास बालुवाटारमा आइतबार प्रधानमन्त्री केपी शर्मा ओलीले विजेता टोलीका खेलाडी ४-४ लाख र प्रशिक्षकलाई २ लाख रुपैयाँ नगदसहित पुरस्कृत गरेका हुन् ।
थ्री नेसन्सको उपाधि जितेपछि राष्ट्रिय खेलकुद परिषद्को सिफारिसमा मन्त्रिपरिषद्को बैठकले विजेता खेलाडीलाई ४-४ लाख रुपैयाँ दिने निर्णय गरेको थियो ।
गत चैत १६ गते भएको थ्री नेसन्स कपको फाइनलमा नेपालले बंगलादेशलाई २-१ ले हराएर उपाधि जितेको थियो ।
प्रतियोगितामा कीर्गिस्तानको ओलम्पिक टिम पनि सहभागी थियो । दशरथ रंगशालामा भएको फाइनलमा नेपाललाई जित दिलाउन संजोग राई र विशाल राईले गोल गरेका थिए ।
प्रतिक्रिया 4