टीकाको भोलिपल्ट उपत्यकामा बढ्‍यो चहलपहल

३० असोज, काठमाडौं। टीकाको भोलिपल्ट काठमाडौं उपत्यकामा सर्वसाधारणहरुको चहलपहल बढ्न थालेको छ ।

मान्यजनको हातबाट टीका लगाएर आफन्तकोमा जाने क्रम बढेसँगै काठमाडौं उपत्यकाका सडकमा मानिसहरुको चहलपहल बढ्न थालेको हो ।

विजयादशमीको भोलिपल्टदेखि कोजाग्रत पूर्णिमासम्‍म टीका र जमरा लगाएर आफन्तहरुबाट आशिर्वाद लिने चलन छ ।

असत्यमाथि सत्य र आसुरीक शक्तिमाथि दैविक शक्तिले विजय पाएको दिनको रुपमा विजया दशमी मनाउने चलन रहेको छ ।