नापोलीको फराकिलो जित

१३ मंसिर, काठमाडौं । इटालियन सिरी ए को शीर्ष स्थानमा रहेको नापोलीले लाजियोलाई ४-० ले पराजित गरेको छ । यस जितपछि नापोलीले दोस्रो स्थानको एसी मिलानमाथि तीन अंकको अग्रतासमेत बनाएको छ ।

घरेलु मैदानमा नापोलीका लागि ड्राई मर्टेन्सले दुई तथा पिटर जेलिन्स्की र फाबियनले एक/एक गोल गरे ।

जितपछि नापोलीले १४ खेलबाट ३५ अंक जोडेको छ । समान खेलबाट ३२ अंकसहित मिलान दोस्रो स्थानमा छ । लाजियो १४ खेलबाट २१ अंकसहित आठौं स्थानमा छ ।