+
+

महाअभियोग राजनीतिक समझदारीमा भरपर्छ : प्रचण्ड

अनलाइनखबर अनलाइनखबर
२०७८ मंसिर १८ गते १७:३५
फाइल तस्वीर

१८ मंसिर, काठमाडौं । सत्तारुढ नेकपा माओवादी केन्द्रका अध्यक्ष पुष्पकमल दाहाल प्रचण्डले दलहरुबीच सहमति नभई प्रधानन्यायाधीश चोलेन्द्रशम्शेर जबराविरुद्ध महाअभियोग प्रस्ताव ल्याउने अवस्था नरहेको बताएका छन् ।

पार्टी निकट प्रेस सेन्टर नेपालको चौथो राष्ट्रिय अधिवेशनमा सम्बोधन गर्दै प्रचण्डले राष्ट्रिय सहमतिमा जोड दिए । २८ मंसिरमा संसदको अधिवेशन आह्वान गरिएको भन्दै उनले भने, ‘कोहीले सोचेका छन्, महाअभियोगको लागि भनेर । अर्कोतिर एमसीसीले के गर्छ भन्ने चिन्ता छ । यो हिँउँदे अधिवेशन हो । महाअभियोग राष्ट्रिय हितअनुसार राजनीतिक समझदारीको आधारमा मात्रै हुने/नहुने कुरा हुन्छ ।’

उनले प्रतिगमनकारी शक्तिहरुले सत्तारुढ गठबन्धनलाई कमजोर पार्न सकिन्छ कि भनेर षडयन्त्र गरिरहेको बताए ।

एमालेको चितवनमा सम्पन्न दशौं राष्ट्रिय महाधिवेशनतर्फ संकेत गर्दै उनले भने, ‘त्यसमा एउटा मण्डलेकरणको प्रवृत्ति, सामन्ति निरंकुशतातिर जाने प्रवृत्ति र अर्को त्यसविरुद्ध जाने प्रवृत्ति प्रस्ट देखा परेका छन् । त्यसकारण हामीले क्रान्तिको उपलब्धिको रक्षा गर्न आफ्नो सक्रियता छोडने स्थिति छैन ।’

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment