+
+

रियल मड्रिड विजयी, एट्लेटिको र बार्सिलोना पराजित

अनलाइनखबर अनलाइनखबर
२०७८ मंसिर १९ गते ११:०२

१९ मंसिर, काठमाडौं । स्पानिस ला लिगामा शीर्ष स्थानको रियल मड्रिडले रियल सोसिडाडलाई २-० ले पराजित गर्दै अंक दूरी बढाएको छ ।

शनिवार राति सोसिडाडको मैदानमा भएको खेलमा रियललाई जिताउन भिनिसियस जुनियर र लुका जोभिकले गोल गरे ।

छिमेकी एट्लेटिको मड्रिड मायोर्कासँग २-१ ले पराजित भएपछि रियललाई झन् फाइदा पुगेको छ ।

रियलले दोस्रो स्थानमा रहेको सेभियामाथि ८ अंकको अग्रता बनाएको छ । रियलको १५ खेलबाट ३९ अंक छ । सेभियाको ३१ अंक छ । सोसिडाड १६ खेलबाट २७ अंकसहित पाँचौ स्थानमा झरेको छ ।

टाकेफुसा कुबोले इन्जुरी टाइममा गोल गरेपछि मायोर्काले एट्लेटिको विरुद्ध पुनरागमन जित हात पारेको हो । माथियस कुन्हाले गोल गर्दै एट्लेटिकोलाई पहिले अग्रता दिलाए पनि कायम राख्न सकेन । फ्रान्को रुसोले मायोर्काका लागि बराबरी गोल फर्काएका थिए ।

हारपछि एट्लेटिको १५ खेलबाट २९ अंकसहित चौथो स्थानमा छ ।

यस्तै अर्को खेलमा बार्सिलोना घरेलु मैदानमै रियल बेटिससँग पराजित भएको छ । बेटिसका लागि दोस्रो हाफमा जुअनमीले गोल गरेका थिए ।

जितपछि बेटिस १६ खेलबाट ३० अंक जोडेर तेस्रो स्थानमा उक्लेको छ । बार्सिलोना भने २३ अंकसहित सातौं स्थानमा छ । जाभी प्रशिक्षक बनेपछि बार्सिलोनाले लिगमा पहिलो हार बेहोरेको हो ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment