पाँच मुलुकका गैरआवासीय राजदूतले राष्ट्रपतिसमक्ष बुझाए ओहदाको प्रमाणपत्र

२४ मंसिर, काठमाडौं। राष्ट्रपति विद्यादेवी भण्डारीसमक्ष विभिन्न पाँच मुलुकबाट तोकिएका नेपालका लागि गैरआवासीय राजदूतहरूले आफ्नो ओहदाको प्रमाणपत्र बुझाएका छन् ।

राष्ट्रपति भवन शीतलनिवासमा आयोजित छुट्टाछुट्टै विशेष समारोहमा नेपाल सरकारका उच्चपदस्थ अधिकारीको उपस्थितिमा उनीहरूले सो प्रमाणपत्र बुझाएका हुन् ।

प्रमाणपत्र पेश गर्नेमा गैरआवासीय राजदूहरू नाइजेरियाका अहमेद सुले, इथोयोपियाका तिजिता मुलुगेटा मुकाङ्गिरा, लक्जमबर्गका पेगे फ्रान्टजेन, स्लोभेनियाका मातेजा भाडेव घोस रहेको राष्ट्रपतिको कार्यालयका प्रवक्ता सागर आचार्यले जानकारी दिए।