नागढुंगाबाट ७३८ एम्पुल लागू औषधसहित एकजना पक्राउ

५ फागुन, काठमाडौं । प्रहरीले नागढुंगास्थित चेकप्वाइन्टबाट ७३८ एम्पुल लागूऔषधसहित एकजनालाई पक्राउ गरेको छ ।

पक्राउ पर्नेमा बीरगञ्ज महानगरपालिका -२४ बस्ने २४ वर्षीय सागर पटेल रहेका छन् । पटेललाई नागढुंगा स्थित चेकप्वाइन्टमा खटिएको प्रहरी टोलीले चेकजाँच गर्ने क्रममा ७३८ एम्पुल लागूऔषधसहित पक्राउ गरेको हो ।

उनको साथबाट प्रहरीले २४६ एम्पुल डाइजेपाम, २४६ एम्पुल नुफिन र २४६ एम्पुल गरी ७३८ एम्पुल लागूऔषध बरामद गरेको छ ।

काठमाडौं जिल्ला अदालतबाट दिन ५ को म्याद थप अनुमति लिई उनीमाथि महानगरीय प्रहरी बृत्त थानकोटबाट थप अनुसन्धन भइरहेको प्रहरीले जनाएको छ ।