पीएसजीको लज्जास्पद हार

काठमाडौं । लिग वानमा लिग लिडर पेरिस सेन्ट जर्मेन (पीएसजी) ले मोनाकोसँग लज्जास्पद हार व्यहोरेको छ । आइतबार आफ्नो घरेलु मैदानमा भएको खेलमा मोनाकोले पीएसजीलाई ३–० को फराकिलो गोल अन्तरले हराएकोे हो ।

खेलमा मोनाकाले २५औं बिनेटमा बेन येडरको गोलबाट अग्रता लिएको थियो । ६८ औं मिनेटमा केभिड भोल्याण्डले गोल गरे भने ८४ औं मिनेटमा येडरले पेनाल्टीमा गोल गरेपछि मोनाकोले ३–० को जित हात पार्यो ।

सबै प्रतियोगितामा गरेर पीएसजीको पछिल्लो ६ खेलमा यो चौथो हार हो । लिग वानमा भने यो सिजन पीएसजीले व्यहोरेको यो नै सबभन्दा ठूलो हार हो ।