काठमाडौंको मेयर उठ्ने घोषणा गरेकी सुनितालाई एमालेले बनायो उपमेयरको उम्मेदवार

१० वैशाख, काठमाडौं । काठमाडौं महानगरपालिकाको मेयरमा स्वतन्त्र उम्मेदवारी दिने घोषणा गरेकी सुनिता डंगोललाई नेकपा एमालेले उपमेयरको टिकट दिएको छ ।

एमाले सचिवालयको शनिबार बसेको बैठकले महानगर र उपमहानगरको उम्मेदवारहरु टुंगो लगाएको छ । जसअनुसार काठमाडौंको मेयरमा केशव स्थापित र उपमेयरमा सुनिता डंगोललाई उम्मेदवार बनाइएको उपमहासचिव पृथ्वीसुब्बा गुरुङले जानकारी दिए ।

डंगोल पूर्व मिस नेवाः हुन् । उनले मेयरमा उम्मेदवारी दिने घोषणा गर्दै घोषणा पत्र समेत सार्वजनिक गरेकी थिइन् ।