+
+

जनकपुर र धुलिखेलमा कांग्रेसका बागी उम्मेद्वारको अग्रता

अनलाइनखबर अनलाइनखबर
२०७९ वैशाख ३१ गते १३:५२

३१ वैशाख, काठमाडौं । सत्ता साझेदार दलहरुबीच भागबण्डा गर्दा जनता समाजवादी पार्टी (जसपा) को भागमा परेको जनकपुर उपमहानगर पालिका र नेकपा एकीकृत समाजवादीको भागमा परेको धुलिखेल नगरपालिकामा नेपाली कांग्रेसका बागी उम्मेद्वारले अग्रता लिएका छन् ।

पार्टी निर्णय नमानेको भन्दै कांग्रेसले कारबाही गरेपनि गठबन्धनका उम्मेद्वार पछि पार्दै बागी उम्मेदवारले अग्रता लिएका हुन् । जनकपुर उपमहानगर पालिकाको सुरुवाति नतिजामा कांग्रेसका बागी उम्मेद्वार मनोज साहले फराकिलो अग्रता बनाएका छन् ।

मनोजले २५९ मत ल्याउँदा गठबन्धनबाट उम्मेद्वार बनेका निवर्तमान मेयर लालकिशोर साहले ३६ मत मात्रै पाएका छन् । मनोजलाई नेकपा एमालेका शिवशंकर साहले पछ्याइरहेका छन् । उनले १०५ मत ल्याएका छन् ।

धुलिखेल नगरपालिकामा पनि कांग्रेसकै बागी उम्मेद्वारले अग्रता लिएका छन् । पार्टी निर्णय विपरीत उम्मेद्वारी दिएको भन्दै कांग्रेसले नगर सभापतिबाट कार्बाही गरेका बिदुरबहादुर बस्नेतले ५७२ मतसहित अग्रता लिएका छन् । बस्नेतलाई एमालेका अशोककुमार ब्याञ्जुले पछ्याइरहेका छन् ।

निवर्तमान मेयर ब्याञ्जुले ४६७ मत ल्याएका छन् । तर गठबन्धनबाट उम्मेद्वार बनेका एकीकृत समाजवादीका दयासागर श्रेष्ठ १८ मत मात्रै पाएका छन् ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

महानगरपालिका मत परिणाम

छुटाउनुभयो कि ?