तौलको लेखाजोखा : कति पाइला हिंड्दा कति क्यालोरी बर्न हुन्छ ?
डा. अभिषेक ठाकुर मुटुरोग विशेषज्ञ
के ट्राफिक जामले बालबालिकाको स्मरणशक्ति कमजोर बनाउँछ ?
२०७९ जेठ २३ गते १७:२० 
ट्राफिक जामले बालबालिकाको स्मरण शक्तिमा कमी आउने एक अध्ययनले देखाएको छ । स्पेनको बार्सिलोनामा रहेको इन्स्टिच्युट फर ग्लोबल हेल्थका शोधकर्ताले बालबालिका स्कुल जाँदा हुने ट्राफिक जामका कारण उनीहरुको स्मरण शक्तिमा कमी आउने जनाएका छन् ।
शोधकर्ताले बार्सिलोनाका ३८ स्कुलका बालबालिकामा गरेको सर्वेक्षणमा यस्तो कुरा पत्ता लागेको हो ।
सातदेखि १० वर्षसम्मका २ हजार ६८० बालबालिकामा गरिएको उक्त अध्ययनमा बाहिरी आवाजमा पाँच डेसिबल वृद्धि हुँदा स्मरण शक्तिमा ११ दशमलव ५ प्रतिशतले कमी आएको देखिएको छ । त्यस्तै चर्को आवाजले बालबालिकाको काम गर्ने क्षमतामा २३ दशमलव ५ प्रतिशतले कमी आउँछ ।
यसले उनीहरुको स्मरण क्षमता मात्रै घटाउँदैन । पढाइप्रतिको एकाग्रतामा समेत ४ दशमलव ८ प्रतिशतले कमी आउने अनुसन्धाताले पत्ता लगाएका छन् ।
ध्वनि प्रदूषणले स्मरणशक्तिको गति कम गराउने
शोधका लेखक जोर्डी सनयरले बाल्यकाल कमजोर अवधि भएकाले ध्वनि प्रदूषणले स्मरण शक्तिलाई मन्द गर्ने बताएका छन् । बालबालिकाको भविष्यलाई मध्यनजर गर्दै अबका दिनमा स्कुलको निर्माण गर्दा शान्त र ट्राफिक जाम नहुने स्थानमा गर्नुपर्ने उनको सुझाव छ ।
शोधमा बाहिरी र भित्री चर्को ध्वनिको तुलनामा होहल्ला बढी हुने खेलमैदान भएको स्कुलका बालबालिकाले नराम्रो प्रदर्शन गरेको उल्लेख गरिएको छ । हल्ला बढी हुने स्कुलका बालबालिकाको ध्यान प्रभावित हुने भए पनि उनीहरुको स्मरण शक्तिलाई भने कुनै असर नगर्ने जनाइएको छ ।
शोधका प्रमुख लेखक डा. मारिया फोस्टरले कक्षाभित्र हुने हल्लाको मात्रा औसत डेसिबलभन्दा बढी हुनु मानसिक विकासका लागि खतरा भएको बताएका छन् ।
बढी प्रदूषण र ट्राफिक जाम हुने क्षेत्रका बालबालिकामा मोटोपनको समस्या
युनिभर्सिटी इन्स्टिच्युट फर प्राइमरी केयर रिसर्च जोर्डी गोलका शोधकर्ताका अनुसार नौदेखि १२ वर्ष उमेर समूहका बालबालिकामा गरिएको शोधमा वायु प्रदूषण, ध्वनि प्रदूषण र ट्राफिक जाम हुने स्थानका बालबालिकामा मोटोपनको समस्या अधिक हुने देखिएको छ ।
दैनिक भास्करबाट
प्रतिक्रिया 4