पाल्पामा बस दुर्घटना, ६ जनाको मृत्यु, १६ जना घाइते

८ साउन,बुटवल । पाल्पामा बस दुर्घटना हुँदा ६ जना यात्रुको मृत्यु भएको छ । बागलुङको बुर्तिबाङबाट बुटवलतर्फ आउँदै गरेको लु १ ज ५९५२ नम्बरको बस पाल्पाको रिब्दीकोट गाउँपालिका–२ लघुवामा आइतबार बेलुकी ५ बजेतिर दुर्घटना भएको हो ।

लुम्बिनी प्रदेश प्रहरी कार्यालयका इन्सपेक्टर वीरदत्त पन्तका अनुसार दुर्घटनामा ३ महिला र ३ पुरुषको घटनास्थलमा नै मृत्यु भएको छ । दुर्घटनामा घाइते भएका १६ जनाको पाल्पाको मिसन अस्पतालमा उपचार भइरहेको छ । जसमध्ये २ जनाको अवस्था गम्भीर रहेको छ ।

बसका चालक पनि घाइते भएका छन् ।