+
+

दाङमा सरकारी वकिल कार्यालयबाट भागे बन्दी

आभास बुढाथोकी आभास बुढाथोकी
२०७९ भदौ २३ गते १९:४८

२३ भदौ, दाङ । दाङमा सुन चोरीको आरोपमा पक्राउ परेका एक बन्दी सरकारी वकिल कार्यालयबाट भागेका छन् ।

घोराही उपमहानगरपालिका–१७ का २२ वर्षीय लक्ष्मण विश्वकर्मालाई बिहीबार जिल्ला अदालतमा म्याद थपका लागि लैजाने तयारी भइरहेका बेला सरकारी वकिल कार्यालयबाट भागेका हुन् ।

जिल्ला प्रहरी कार्यालय दाङका प्रमुख (एसपी) वीरबहादुर वलीका अनुसार विश्वकर्मालाई थुनामा राख्न अनुमति लिनका लागि न्यायाधीशसमक्ष लैजाने तयारी थियो । उनले सरकारी वकिल कार्यालयम शौचालय जान्छु भनेका थिए । त्यसपछि शौच गर्न शौचालय लगिएको बेला झ्यालबाट भागेको एसपी वलीले बताए ।

उनका अनुसार भागेका बन्दी विश्वकर्माको खोजीका लागि प्रहरी परिचालन गरिएको छ । उनी बुधबारमात्रै सुन चोरीको आरोपमा घोराही–१० नारायणपुर बजारबाट पक्राउ परेका थिए ।

*यसअघिको समाचारमा बन्दी लक्ष्मण विश्वकर्मा जिल्ला अदालतबाट भागेको गलत तथ्य पर्न गएकामा सच्याएका छौं ।

लेखकको बारेमा
आभास बुढाथोकी

बुढाथोकी अनलाइनखबरका संवाददाता हुन् ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?