यो पनि पढ्नुहोस
डा. सुवास घिमिरे ओरल म्याक्जिलोफेसियल सर्जन
माउथ फ्रेसनरले मुखको गन्ध हटाउँछ ?
२०८० फागुन १८ गते १२:११
डा. सुवास घिमिरे ओरल म्याक्जिलोफेसियल सर्जन
सास गन्हाउने समस्याले धेरैलाई दु:ख दिइरहेको हुन्छ । मुखको दुर्गन्धका कारण दाँत तथा मुख मात्र गन्हाउने होइन, शरीरको अन्य समस्याले पनि मुखबाट दुर्गन्ध आउने हुन्छ ।
मुखबाट दुर्गन्धित सास आउनुले मानिसलाई निकै लाजमर्दो पनि बनाउँछ । सास गन्हाउने समस्या हटाउनका लागि धेरैले माउथवासको सहारा लिएको पाइन्छ ।
माउथवासले तत्कालीन रूपमा मुखको दुर्गन्ध त हटाउँछ । तर यसलाई लामो समय प्रयोग गर्न भने मिल्दैन । माउथवासमा ‘एन्टिब्याक्टेरियल प्रोपटी’ हुन्छ । त्यसले मुखमा भएको चाहिने जीवाणुलाई पनि मारिदिन्छ र मुखमा फंगल इन्फेक्सन हुने, घाउ आउने जस्ता समस्या निम्तिन सक्छ । त्यसैले माउथ फ्रेसनरलाई दैनिक प्रयोग गर्नु राम्रो हुँदैन ।
मुखबाट दुर्गन्ध आउनुको कारण पत्ता लगाउनुपर्छ
मुखबाट दुर्गन्ध आउनुको मुख्य कारण कारण दाँतको बीचमा अड्किएर बस्ने ब्याक्टेरिया हो । यदि सास गन्हाउने समस्यालाई समयमै ध्यान दिएन भने यो बढ्न सक्छ ।
दाँतको बीचमा जम्मा भएर बसेको फोहोर, जिब्रोको सरसफाइ राम्ररी नगर्दा र गिजाको समस्या आदिमा पनि मुखबाट दुर्गन्ध, ग्यास्ट्रिक तथा पेटको समस्या आउँछ । त्यसबाहेक साइनसको समस्या, फोक्सोको संक्रमण, कलेजोको संक्रमण, ग्यास्ट्रिक तथा पेटको समस्या र मधुमेहको समस्या आदिमा पनि मुखबाट दुर्गन्ध आउँछ ।
मुखको दुर्गन्धबाट छुटकारा पाउने उपाय
कसैमा मुखको दुर्गन्ध अत्यधिक छ भने त्यो दुर्गन्ध कम गर्न माउथ फ्रेसर, माउथ वास प्रयोग गर्न सकिन्छ । तर यो समस्याको समाधान भने होइन । दाँतलाई राम्ररी सफा गरिसकेपछि मात्र माउथ वासको प्रयोग गर्ने हो । मुखको दुर्गन्ध विभिन्न कारण हुने हुँदा कारण पत्ता लगाएर उपचार गर्नुपर्छ । उपचार गरिएन माउथ फ्रेसरले कुल्ला मात्र गरियो भने समस्या समाधान हुँदैन समस्या दोहोरिन सक्छ तथा बढ्न पनि सक्छ ।
ब्रस र फ्लस उपयुक्त ढंगले गर्नुपर्छ । दाँत माझ्दा नरम ब्रस र फ्लोराइडयुक्त मञ्जनको प्रयोग गर्दा उत्तम हुन्छ । केही खानेकुरा खानेबित्तिकै पानीले मुख कुल्ला गर्नुपर्छ । यसो गर्नाले दाँतमा फोहोर जम्न पाउँदैन ।
जिब्रोलाई सफा राख्ने गर्नुपर्छ । किनभने यसले तपाईंको सासलाई मात्र ताजा नराखेर, यसले दाँतलाई असर गर्ने ब्याक्टेरिया पैदा हुनबाट पनि रोक्छ ।
बिस्कुट, चकलेट, टाँसिने खालका पदार्थले दाँतलाई असर गर्छ । त्यसैले यस्तो पदार्थ सेवनपछि तुरुन्त मुख कुल्ला गर्ने गर्नुपर्छ । प्राकृतिक खानेकुरा, हरियो सागपात, रेसायुक्त खानेकुराले दाँत र हड्डीलाई बलियो राख्छ । सन्तुलित आहारमा हामीले प्रोटिन, मिनरल, भिटामिन आदिलाई विशेष जोड दिनुपर्छ ।
दाँतको गिजाबाट रगत आउने वा गिजासम्बन्धी रोग छ भने मनतातो पानीमा नुन राखेर बिहान बेलुका सफा गर्दा पनि कम हुन्छ । सही ढंगले नियमित ब्रस गरेर मात्र दाँतलाई सफा गर्न सक्दैनौं, किनभने फोहोरहरू जमेर दाँतको र गिजाको भागमा ढुंगा जस्तो दन्त लेउ बन्छ । त्यसलाई निकाल्न दन्त चिकित्सककहाँ गएर दाँतलाई सफा गर्नुपर्छ ।
प्रतिक्रिया 4