२२ चैत, काठमाडौं । बायर लेभरकुजन जर्मन कपको फाइनलमा प्रवेश गरेको छ ।
दोस्रो श्रेणीको क्लब फर्चुना डुसेलडर्फलाई सेमिफाइनलमा ४-० ले पराजित गर्दै लेभरकुजनले काइजरलाटनलसँग फाइनल भेट पक्का गरेको हो ।
लेभरकुजनका लागि जेरेमी फ्रिपोर्ङले सातौं र अमिन अदिलले २०औं मिनेटमा गोल गर्दै २-० को अग्रता दिलाए ।
त्यसपछि फ्लोरिन विट्जले ३६औं र ६०औं मिनेटमा गोल गरे । उनले दोस्रो गोल पेनाल्टीबाट गरेका थिए ।
लेभरकुजनले अहिलेसम्म एक पटक मात्र जर्मन कपको उपाधि जितेको छ । सन् १९९३ मा जितेको जर्मन कप नै लेभरकुजनले जितेको अन्तिम ट्रफी समेत हो ।
जावी अलोन्सोको लेभरपुल यस सिजन अपराजित छ र तीन ट्रफी जित्ने अभियानमा छ ।
जर्मन बुण्डेसलिगामा लेभरकुजले बायर्न म्युनिखमाथि १३ अंकको अग्रता बनाउँदै उपाधिको नजिक पुगेको छ । जर्मन कपको फाइनल पुगिसकेको लेभरकुजनले युरोपा लिग क्वाटरफाइनलमा वेष्टहमसँग खेल्नेछ ।
लेभरकुजन पछिल्लो पटक २०२० मा जर्मन कपको फाइनल पुग्दा बायर्न म्युनिखसँग ४-२ ले पराजित भएको थियो ।
यस सिजन जर्मन कपको फाइनल २५ मे मा बर्लिनस्थित ओलम्पिक स्टेडियममा हुनेछ ।
Results
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpeg)
%20-%20Copy.jpg)
.jpeg)
.jpg)
प्रतिक्रिया 4