युरो २०२४ का लागि स्पेनको प्रारम्भिक टोली घोषणा

१४ जेठ, काठमाडौं । आगामी जुन १४ देखि जुलाई १४ सम्म जर्मनीमा आयोजना हुने युरो २०२४ का लागि स्पेनको प्रारम्भिक टोली घोषणा भएको छ ।

रोएल स्पानिस फुटबल फेडेरेसनले सोमबार प्रारम्भिक टोलीमा २९ खेलाडीको नाम सार्वजनिक गरेको हो ।

स्पानिस फुटबल लेजेण्डहरु जोस एन्जल इरिबार, जोन काप्डेभिला र फर्नान्डो टोरेसको उपस्थितर रहेको एक कार्यक्रमकाबीच मुख्य प्रशिक्षक लुइस डे ला फुएन्टेले प्रारम्भिक खेलाडीको नाम सार्वजनिक गरेका हुन् ।

अब फुएन्टेले यही खेलाडीबाट २६ सदस्यीय अन्तिम टोली घोषणा गर्नेछन् ।

स्पेनले जुन १५ मा बर्लिनस्थित ओलम्पिक स्टेडियममा क्रोएसियासँग खेल्दै युरो २०२४ को सुरुआत गर्नेछ ।

युरोअघि स्पेनले एण्डोरा र नर्दन आयरल्यान्डसँग मैत्रीपूर्ण खेल खेल्नेछ ।

स्पानिस प्रारम्भिक टोली

गोलकिपर : उनाइ सिमोन, डेभिड राय, एलेक्स रेमिरो

डिफेण्डर : एमरिक लोपार्टा, रोबिन ले नोर्मन्ड, नाचो फर्नान्डेज, ड्यानी कार्भाजल, एलेक्स ग्रिमाल्डो, जेसस नाभास, ड्यानीएल भिभियन, मार्क कुकुरेल्ला

मिडफिल्डर : रोड्री, फाबिएन रुइज, मार्टिन जुबिमेन्डी, मिकेल मेरिनो, फर्मिन लोपेज, एलेक्स गार्सिया, मार्कोस लोरेन्टे, एलेक्स बाएना, पेड्री

फरवार्ड : अल्भारो मोराटा, फेरान टोरेस, डानी ओल्मो, मिकेल ओयाजाबल, निको विलियम्स, जोसेलु, लामिन यमाल, अयोज पेरेज