महिलाले दैनिक आहारमा समावेश गर्नुपर्ने ५ तत्व

श्रीमान्, छोराछोरी र परिवारका सदस्यहरूको हेरचाह गर्दागर्दै महिलाले आफ्नै स्वास्थ्यलाई भने बेवास्ता गरिरहेका हुन्छन् । तर परिवार स्वस्थ राख्न आफू पनि स्वस्थ हुनु जरुरी हुन्छ ।

पुरुषको तुलनामा महिलालाई बढी पोषक तत्वको आवश्यक पर्छ । किनकि हर्मोन र अन्य धेरै कारणले गर्दा महिलालाई पोषणको कमी हुनसक्छ । यसलाई पूरा गर्न र स्वस्थ रहन, महिलाहरूले पोषक तत्वको आवश्यक पर्छ ।

जिंकको सेवन गर्ने

हर्मोनको कारणले गर्दा पुरुषको तुलनामा महिलालाई जिंकको बढी आवश्यकता हुन्छ । जिंकमा एन्टिइन्फ्लेमेटरी गुण पाइन्छ, जसले शरीरमा हर्मोनको स्तरलाई नियन्त्रण गर्न मद्दत गर्छ । त्यसैले महिलाले दैनिक १० देखि १२ ग्राम जिंक सेवन गर्नुपर्छ । शरीरमा हुने यसको कमीलाई हटाउन हरियो सागसब्जी, सम्पूर्ण अन्न, दुग्धजन्य पदार्थ र ड्राइफुड लगायतका खानेकुरालाई दैनिक आहारमा समावेश गर्नुपर्छ ।

फाइबर

महिलाले आफ्नो आहारमा पर्याप्त मात्रामा फाइबर हुनु आवश्यक हुन्छ । फाइबरले पेटलाई स्वस्थ राख्ने मात्र नभई शरीरमा एस्ट्रोजन हर्मोनलाई सन्तुलनमा राख्न पनि मद्दत गर्छ । एस्ट्रोजन एक प्रकारको सेक्स हर्मोन हो, जुन महिलाको प्रजनन् क्षमता, यौन स्वास्थ्य र महिनावारीको लागि धेरै महत्वपूर्ण मानिन्छ ।

त्यस्तै फाइबरले पाचन प्रक्रियालाई बलियो बनाएर खान राम्रोसँग पचाएर दिसालाई नरम बनाउँछ र कब्जियतबाट जोगाउँछ । फाइबरका लागि दैनिक आहारमा फलफूल, हरियो सागसब्जी र ड्राइफुड समावेश गर्नुपर्छ ।

फोलिक

फोलिक जसलाई भिटामिन बी ९ पनि भनिन्छ, यो शरीरभित्रको कोषिकाको वृद्धि विकासका लागि आवश्यक पर्छ । विशेषगरी फोलेट बच्चा जन्माउने उमेरका महिलाका लागि महत्वपूर्ण हुन्छ, किनकि यसले मस्तिष्क र मेरुदण्डको समस्यालाई रोक्न मद्दत गर्छ । त्यसैले गर्भधारण गर्नुअघि फोलिक एसिडको चक्की खुवाइन्छ । यसको कमीबाट बच्न सिमी, दाल, अमिलो फलफूल लगायत खानेकुरा खानुपर्छ । पर्याप्त मात्रामा फोलिक एसिडको सेवनले एनिमियालाई रोक्न र स्वस्थ कपाल, छाला र नङलाई बढावा दिन्छ ।

यो पनि पढ्नुहोस

सन्तुलित भोजन : कुन खानेकुरामा कस्तो पोषक तत्व ?

ओमेगा–थ्री फ्याटी एसिड

ओमेगा-थ्री फ्याटी एसिड एक प्रकारको पोलिअनस्याचुरेटेड फ्याट हो, जुन मस्तिष्कको स्वास्थ्यका लागि आवश्यक हुन्छ र यसले मुटुरोगको जोखिम कम गर्छ । यसको कमीले महिलामा डिप्रेसन र एन्जाइटी हुने उच्च जोखिम हुन्छ । त्यसैले शरीरमा यसको कमीलाई पूरा गर्न माछा, ओखर, बाबरी र अन्य बीउ दैनिक आहारमा समावेश गर्नुपर्छ । ओमेगा–३ फ्याटी एसिडको पर्याप्त सेवनले मुड, रचनात्मक कार्य र हृदय स्वास्थ्य सुधार गर्न मद्दत गर्छ ।

भिटामिन डी

भिटामिन डी हड्डीको स्वास्थ्यका लागि आवश्यक हुन्छ, किनभने यसले शरीरमा क्याल्सियम अवशोषित गर्न मद्दत गर्छ । महिलालाई अस्टियोपोरोसिसको विकासको उच्च जोखिम छ, भिटामिन डीको लागि एक आवश्यक पोषक बनाउँछ । सूर्यको प्रकाशमा पर्दा शरीरले भिटामिन डी उत्पादन गर्न सक्छ र यो फ्याटी माछा, अण्डाको पहेंलो भाग, दूध र सुन्तलाको जुस जस्ता फोर्टिफाइड खानामा पनि पाइन्छ । पर्याप्त मात्रामा भिटामिन डीको सेवनले तपाईंको प्रतिरक्षा प्रणालीलाई पनि बढाउन मद्दत गर्छ ।

एजेन्सीको सहयोगमा

यो पनि पढ्नुहोस

मान्छेको मुख्य आहार माछामासु होइन, शाकाहार हो

यो पनि पढ्नुहोस

खानपान शैली : हामी खान नपाएर होइन, खान नजानेर रोगी